Татарстан Республикасында торак пунктлар территорияләрен чистарту һәм аларны халыкның экологик һәм санитар-эпидемиологик куркынычсызлыгы таләпләренә җавап бирә торган хәлгә китерү буенча санитар-экологик икеайлык тәмамланды. Транспорт комплексы предприятиеләрендә санитар-экологик икеайлык үткәрү чорында федераль һәм төбәк әһәмиятендәге автомобиль юлларының, шулай ук елга, авиа һәм тимер юл вокзалларының юл яны полосаларын тиешле санитар-экологик хәлгә китерү буенча эшләр көчәйтелгән.

«Имин сыйфатлы юллар» милли проекты кысаларында Казанда 0,720 км озынлыктагы Ибраһимов проспекты (Восстание урамыннан Воровский урамына кадәр) ремонтланачак.

2024 елның 24 маена төбәк әһәмиятендәге гомуми файдаланудагы автомобиль юлларында 236 381,14 м2 (31 339,74 тн) мәйданда чокыр ремонты башкарылган.

«Имин сыйфатлы юллар» милли проекты кысаларында Татарстан Республикасы Арча муниципаль районында 1,900 км озынлыктагы, IV - техник категорияле Ашытбаш - Шушмабаш - Карадуван, км 22+900 - км 24+800 автомобиль юлларына ремонт ясала.